रंग आठवणीतले-मराठीभूतकथा
रत्नाकरने सुरू असलेले चित्र पूर्ण केले.चित्र काढणे त्याचा श्वास बनून गेले होते.त्या शिवाय तो कसा जगणार? मीराला खूप सारी चित्रे दाखवायची होती.मीरा सतत त्याला प्रेरणा देणारी. तो खूप मोठा चित्रकार बनायलाच पाहिजे ही अंतरमनात असलेली तळमळ त्या करिता मीरा किती मेहनत घेत होती. मीराची आठवण येताच तो कासावीस झाला.कधी मीराला भेटतो असे त्याला वाटायला लागले.तसाही एवढ्यात तो एकटेपणाला कंटाळला होता. . हे सर्व सोडून खूप लांब निघून जावे आणि खूप आराम करावा असे झाले होते त्याला.कुठे तरी मीरासोबत फिरायला जाऊन छान आराम करावा आवडीचे सिनेमे बघावे ..मनसोक्त गप्पा कराव्यात असे वाटायचे.सुंदर ..सुंदर फुललेले झाडे , त्यांचे मोहक रंग त्याला खुणवीत होते.तो घरी आला.घरात नोकर होता .त्याने छान वाफळलेला चहा आणला.समोरच अलबम पडून होता.आठवणींचा खजिना ..रोज..रोज बघायचा आणि आठवणीत रमून जायचे.किती तरी वेदना दुःख पुन्हा पुन्हा उगाळत बसायचे .किती यातना सहन करायच्या या मनाने ? मन अगदीच व्याकुळ होऊन जाते तरीही एक आस मनाला स्वस्थ न बसू देणारी.
मनाच्या यातना त्याची वेदना कुणालाही न कळणारी पण अमर्याद.त्याला मर्यादा नाही…अगदिच हळूवार फुलपाखराप्रमाने येतात पण मन व्यथित आणि घायाळ करून जातात.रक्तबंबाळ करून सोडतात.
रत्नाकरला अल्बम बघितल्याशिवाय चैन पडेना
ते रोजचे काम झाले होते.
. .जखमेवरच्या खपल्या तरी किती वेळा काढायच्या.आतमध्ये जखम तर …रक्तबंबाळ …ताजी.
अलबम काॕलेजच्या दिवसांचा होता.त्याचे मित्र ..आणि त्याचे सर्वस्व…मीरा… गोड दिसायची मीरा
मीराचा लाघवी स्वभाव कुणालाही प्रेमात पाडायचा.सालस..सोज्वळ…देखणी…कोणालाही चटकन आपले करून घेणे तिला लिलया जमायचे.रत्नाकर आणि मीरा लहानपणापासून एकाच वर्गात होते.दोघांची छान मैत्री…मैत्रीचे रूपांतर कधी प्रेमात झाले ते कळलेच नाही.रत्नाकरला खूप मोठा चित्रकार बनायचे होते.त्याचे चित्र शाळा …काॕलेज मध्ये खूप प्रसिध्द होते.
त्याची खरी प्रेरणास्रोत होती मीरा..तिला दाखविल्या शिवाय त्याचे एकही चित्र पूर्ण होत नसे.ज्या दिवसी मीरा येत नसे त्या दिवसी तो रंगाकडे बघायचा नाही.मीरा त्याला रागवायची…समजावून सांगायची..पण त्याचे मात्र ठरलेले उत्तर राहायचे…
अग मीरा तुझ्या शिवाय या कुंचल्यात मी रंग कसे भरू?तूझ्याशिवाय मला सर्व रंगहीन वाटते.तू समोर असली तर आपोआप सुंदर रंगसंगती होत जाते आणि सुंदर कलाकृती जन्म घेते..तुझ्या शिवाय सर्व बेंरग आहे ग
शब्दपर्णवरील इतर साहित्य वाचण्यासाठी खालील लिंक बघा
About Post Author
वावावा सुरेख
अद्भुत