गाडी पहावी शिकून-मराठी विनोदी कथा

काल माझ्या मैत्रीणीने गाडी घेतली अन् मला एकदम माझ्या गाडी शिकण्याचे दिवस आठवले..
आम्ही गाडी घेतली अन् मग आमच्या अहोंसोबत गाडीत फिरण्याचे दिवस मी enjoy करु लागले …पण नंतर त्यातील पण उत्सुकता हळूहळू कमी होऊ लागली ..
एक दिवस मलाअसेच खूप बोअर होत होते ..मी ह्यांना म्हणाले कि..
चला ना आपण जाऊ कुठेवरी फिरायला …
आजच्या भाषेत …long drive ला . ..पण त्यांना काम असल्याने.. मला साफ नकार मिळाला

…आणि एवढी गाडी उभी आहे ..तर तू घेऊन जा कि….

अशी वरतून सुचना पण आली …पण मला तर गाडी चालवता येत नव्हती ..
परंतु त्यांचे हे वाक्य मी एक challenge म्हणून स्विकारले..आणि लगेच ड्रायव्हिंग क्लास चा शोध सुरू केला ..
पण माझ्या मैत्रीणींचा ड्रायव्हिंग क्लास चा अनुभव फार काही चांगला नव्हता.. त्यामुळे तो नाद मी सोडून दिला… आणि मग काय करता येईल याचा विचार करु लागले……
एकदम डोक्यात idea आली …ह्यांच्या कडूनच गाडी शिकले तर……कसेबसे त्यांना तयार केले ….अन् मग सुरु झाला आमचा ड्रायव्हिंग चा क्लास….. दुसऱ्या दिवशी सकाळी पटकन उठून मी खूप उत्साहात तयार झाले ..
(खूप दिवसांनी असा उत्साह अंगात संचारला होता .) आणि खाली गाडी जवळ येऊन थांबले.. पण ह्यांची काही लवकर येण्याची चिन्हेच दिसेना…. जसा जसा उशीर होत होता.. तसा तसा माझा रागाचा पारा हळूहळू चढू लागला ..पण मला तसे होऊ द्यायचे नव्हते… कारण आजपासून ते माझे गुरु आणि मी त्यांची शिष्या होते…
खूप वेळा नंतर गुरुंचे थाटात आगमन झाले. चेहऱ्यावर असे काही भाव होते कि विचारू नका
पण …..
उघड ती गाडी ….. *अहो*
मी गाडी उघडून पटकन ड्रायव्हर सीट वर जाऊन बसले..
उठ …. *अहो*
का ? .. *मी*
उठून बाजूच्या सिट वर बस ..
काय करणार गाडी शिकायची होती ना…उठून चुपचाप बाजूच्या सिट वर जाऊन बसले..
त्यांनी मग गाडी चालू केली …आणि आज फक्त स्टिअरींग ..वर लक्ष दे ..असे म्हणून ते गाडी चालवू लागले हे तर अजबच..
*मी* काय लहान आहे का? नुसते बघायला.. अरे मला गाडी शिकायची आहे ,बघायची नाही….
.पण ……पण ..मी हे फक्त मनातच बोलले… जोरात बोलून..उगाच सगळेच काम निकालात निघाले असते ..अशातच दोन तीन दिवस गेले ….त्यानंतर

आज आपण गिअर टाकायला शिकू या …. *हे*

जशी आज्ञा …. *मी*..

त्यानंतर गिअर टाकण्याचे अग्नीदिव्य…..हो अग्नीदिव्यच..सुरू झाले..

टाक दुसरा गिअर ….हे

हो टाकतेच आहे …मी

त्यांनी अशी घाई केल्यावर दुसऱ्याच्या ऐवजी तिसराच गिअर पडायचा ..बहूतेक दुसरा घरी जाऊनच पडणार असे वाटते ….हे

ह्या संपूर्ण प्रकारात तू किती बावळट आहेस, साधा गिअरही टाकता येत नाही असे भाव त्यांच्या चेहऱ्यावर असायचे …त्या काळात जगातील सर्वात बावळट स्त्री मी होते …आणि जगातला सर्वात हुशार माणूस ते होते ..असा अविर्भाव त्यांच्या चेहऱ्यावर मला जाणवायचा

त्यात एक दिवस माझ्या मैत्रीणीचा मला फोन आला कि मला तूझे फार कौतुक वाटते कि ..नवऱ्याकडून गाडी शिकण्याचे धाडस तू दाखवते आहेस याबद्दल …पण त्याचवेळेस तिने एक धोक्याची घंटा देऊन मला घाबरवून पण टाकले ….तिची एक बहिण नवऱ्याकडून गाडी शिकत होती.. पण नवऱ्याच्या सारख्या सुचनांचा तिला त्रास व्हायला लागला आणि मग प्रकरण अगदीं घटस्फोटापर्यंत गेले ..त्यामुळे तू जरा सांभाळून ग बाई …अशी सुचना द्यायला ति विसरली नाही*हळूहळू मी गाडी मैदान सोडून रस्त्यावर चालवायला लागले ..

सुरवातीला समोर ट्रक किंवा मोठी गाडी दिसली कि…अहो..अहो बघा ना तो ट्रक येतो आहे …मी

थांब त्याला सांगतो …उद्या पासून ह्या रस्त्यावर येत जाऊ नका म्हणून ……इती अहो …

असे बोलायची काही गरज आहे का ? …मी…

अग ..गाड्या येतात ,गाड्या जातात ..(दिसं येतील….दिसं जातील ..ह्या तालावर ते हे गाणे जोरजोरात म्हणायचे ..मला चिडवण्यासाठी …)

खुप वेळा त्यांच्या त्या सततच्या सुचनांचा मला इतका राग यायचा कि..मी गाडी उभी करून ..मला आता शिकायचीच नाही गाडी …असे म्हणून गाडीतून उतरून रस्त्यावर उभी रहायचे..त्या काळात मार्निंग वाँकला येणाऱ्या असंख्य लोकांची आमच्या मुळे खूप करमणूक झाली… ते लोक माझ्या कडे बघून कुत्सितपणे हसतात.. असा मला उगाचच भास व्हायचा

सुरवातीच्या काळात भितीमुळे मी फक्त दुसऱ्या आणि तिसऱ्याच गिअर वर गाडी चालवायचे..

चौथा गिअर टाक ना …हे

अरे मला त्या स्पिडची खूप भिती वाटते… मी

मग असे कर ना …तू घरीच थांब..

गाडी चालवायचे सोडून दे ….हे

ते माझे मी बघेल …मी ..

असे ..वादाचे ..संवाद आमच्यात नित्याचेच झाले होते …पण देवाच्या कृपेने घटस्फोटापर्यंत वेळ आली नाही

अशा असंख्य गमतीजमती, वाद आणि अनेक अग्नीदिव्यातून गेल्यानंतर मी गाडी चालवायला शिकले.. आणि driving licence ची टेस्ट पण पहिल्या झटक्यात पास झाले …अहोंच्या नाकावर टिच्चून …

आणि आता मस्त एकटीच गाडी घेऊन जाते सगळीकडे….

तर अशी ही माझ्या ड्रायव्हिंगची कथा आणि व्यथा ……

प्रिय वाचक,तुम्हीही तुमचे साहित्य शब्दपर्णवर प्रकाशित करु शकता.

साईटवर Registration करा किंवा संपर्क साधा खालील Email वर

shabdaparnamarathi@gmail.com

शब्दपर्णचे इतर साहित्य वाचण्यासाठी फेसबुक पेज अवश्य like,follow करा.

https://www.facebook.com/Jeevangaanesaptsuranche/

शब्दपर्णवरील इतर साहित्य वाचण्यासाठी खालील लिंक बघा

https://marathi.shabdaparna.in/व-हाडी-

https://marathi.shabdaparna.in/बोलके

https://marathi.shabdaparna.in/गाणं

https://marathi.shabdaparna.in/लघूकथा